Краязнаўчы праект “Зямля бацькоў – майго жыцця крыніца”

      

                              Аўтар:  бібліятэкар

                   Глухатарэнка Людміла  Фёдараўна
                           Санюкі, 2012 – 2013 г.г.

                      

У Санюкоўскай сельскай бібліятэцы існуе краязнаўчы куток, у якім сабраны матэрыялы аб
в.Санюкі і Ельскім раёне

                  

          Калыханкі

             ****

Ходзіць коцік па плату,

Носіць дзеткам драмату.

Усім дзеткам прадаваў,

А Аленцы дарам даў.

 А-А-А, А-А-А.

 

Ах ты, коцічак-каток,

У цябе мякенькі жваток,

Цёпленькія лапкі,

На лапках царапкі.

Прыйдзі, коцік, начаваць

Маю доньку калыхаць.

А-А-А, А-А-А.

 

А я коціку-кату

За работу заплачу:

Дам яму я малачка

І кусочак піражка.

А-А-А, А-А-А.

 

Пайшоў коцік пад масток,

Злавіў рыбку за хвасток,

Ці самому з’есці,

Ці Ленцы аднесці?

Думаў-думаў мой каток,

Укусіў адзін разок.

І панёс дадому

Дзіцятку малому.

А-А-А, А-А-А.

 

Палез коцік на палаткі,

Адмарозіў коцік лапкі.

Недзе катку дзецца,

Лапачкам пагрэцца.

Хадзі к нам ты памурлыкай,

На дзіцятка сон наклікай.

Мая донька будзе спаць,

Будзе спаць і падрастаць.

А-А-А, А-А-А. 
(Запісана ад Ахраменка Марыі Міхайлаўны,в.Санюкі)

Калыханка

 

Спі мае дзіцятко,

Мае галубятко,

Мае кацянятко,

Мае зайчанятко.

А-А-А, А-А-А.

 

Спі мае дзіцятко,

Мае дарагое,

Спі мае дзіцятко,

Мае залатое.

А-А-А, А-А-А.

 

Хай салодка спіцца,

Праганю начніцу

Мае залаценькае.

Спі мае маленькае,

Мае даражэнькае.

 А-А-А, А-А-А.
(Запісана ад Сарочанка Вольгі Раманаўны, 1920 г.н.)

 

Калыханка

 

Пайшоў каток у лясок,

Прынёс каток паясок,

Пайшоў каток на ганачак,

Прынёс каток абараначак,

Пайшоў каток у лавачку,

Прынёс каток булавачку,

Пайшоў каток на рынак,

Прынёс каток пярынак,

Пайшоў каток на таржок,

Прынёс каток піражок.(
(Запісана ад Венцаль Ганны Фёдараўны, 1916 г.

                ˂1˃ ˂2˃ ˂3˃ ˂1˃˂2˃˂3˂4˃ ˂5˃ ˂6˃