Калыханка

Пайшоў коцік на вуліцу,

Адмарозіў лапку,

Сядзіць коцік на парозе –

Просіцца ў хатку.

Пайшоў коцік на сена –

Змерзла ў яго калена,

Хоча коцік грэцца –

Няма дзе яму дзецца –

Палез бы на вышкі –

Дык баіцца мышкі,

Улез бы на палаткі –

Дык баіцца бабкі. 
(Запісана ад Назарчук Галіны Сцяпанаўны, 1931 г.н.)
                       

                Дзіцячыя пацешкі

***

Гута-та, гута-та,

Села баба на ката,

Паехала ў госці, паламала косці.

***

Скок-скок-падскок,

Малады драздок,

Па вадзічку пайшоў,

Маладзічку знайшоў,

Маладзічанька-невялічанька,

Сама з вяршок,

Галава з гаршок.

***

Ішоў казёл дарогаю-дарогаю-дарогаю….

Знайшоў казу бязрогую, бязрогую, бязрогую,

Давай каза паскікаем-паскікаем-паскікаем,

І ножкамі пабрыкаем-пабрыкаем-пабрыкаем.

Скікі-скікі-скікі-хлопчык вырасце вялікі.

***

Чыры-чыры варабей,

Не клюй маіх канапель,

А клюй свае проса,

Да не зламі носа.

Чыр! – паляцелі!

Іванку на галоўку селі.

***

Кую-кую ножку

Паеду ў дарожку,

Куплю чаравічкі,

Адзену на ножку,

Дарожка крывая,

Ножка залатая.

***

Ду-ду-ду,

Ду-ду-ду,

Сядзіць голуб на дубу,

Прыляцела сініца,

Галубова сястрыца,

Бяры голуб булаву.

Ды бі бабу па лабу,

Няхай баба коціцца,

Ды ў балоці ўтопіцца,

А ў балоці гускі,

Пайшлі да Маруські,

А ў Маруські ганкі,

Смаловыя лаўкі,

Як сеў – прыкіпеў,